“Qëllimi Ynë”
– Adriatic Strategic Lab ka si qëllim të nxisë dhe të mbështesë procese dinamike dhe gjithë përfshirëse për diskutimin, hartimin, zhvillimin, zbatimin dhe monitorimin e politikave të rëndësishme në funksion të qeverisjes së mirë, zhvillimit dhe mbrojtjes së demokracisë, mbrojtjes së interesave kombëtare, integrimit euroatlantik, bashkëpunimit rajonal dhe reformave të rëndësishme të zhvillimit.
Adriatic Strategic Lab synon të realizojë qëllimin e tij në bashkëpunim me publikun, aktorët qeverisës, partnerët ndërkombëtarë dhe shoqërinë në tërësi, në bazë të bindjes, se vetëm pjesëmarrja efektive e publikut granton të ardhme të qëndrueshme për të gjitha politikat dhe strategjitë.
Ekipi
Adriatic Strategic Lab është një platformë që bën bashkë eksperiencën e gjatë, kualifikimin ekselent dhe qasjen inovative e mendjehapur.
Ekipi i Adriatic Strategic Lab përbëhet nga profesionistë me karriera të spikatura kombëtare dhe ndërkombëtare nga të gjitha nivelet e udhëheqjes politike, strategjike, menaxheriale, akademike, administrative dhe teknike.
